NOTISIA

Xavier: Kuidadu Parpol

Politiza Arte Marsiais

Dili-Proklamador Independénsia Timór Leste, Francisco Xavier Amaral Amaral avisa ba membrus Arte Marisias timór oan tomak tenke hakmatek, no kuidadu monu ba manobra politika partidu balun nian.

Nia hateten iha jerasaun nebe nia pertense ba ,  hahu husi sei idade  jove nian nunka rona Arte Marsiais,  no oras nee dau daun ho tama ona idade katuas tiha mak foin rona.

“Hau hatene, sira la iha sala; tamba partidu polítiku barak laiha forsa fo osan no apoiu ba membru arte marsiais sira hodi halo istrundu”tenik Xavier iha 19/05, hodi selebra loron restaurasaun independénsia  iha 20 de maiu ba dala sia, iha Genasio GMT, 19/05.

Nia haktuir, arte marsiais nebe nia hatenen atu defende aan, maibe buat nebe akontese ohin loron mak sunu ema nia uma, baku ema, tuda ema nia kareta, naok malu no oho malu.

Nia jura karik povu fó fiar ba nia iha 2012, nia hatutan hahalok ida nee sei mós iha Timór Leste,  tanba ema hotu-hotu tenke hakru’uk ba lei.

“Hau la kohi Timór oan ida atu terus, matabeen suli, halerik, dehan sunu uma no naok sasán”tenik nia.

Tanba nee no promete, se povu fo fiar ba nia mak kaer governu, nia sei konvida investor boot sira husi rai liur, loke kadeia boot iha weberek, atu7 nune ema nebe gosta halo krimi diak liu tama kadeia no halo toos iha weberek.(augusto sarmento)

Bloku Proklamador

Kadeira Ain Tolu

Dili-Bloku proklamador nebe lansa iha kinta 19/05 , ninia ain la kompletu tanba iha ain tolu det.

Bloku proklamador nebe lansa husi patidu kiik haat hanesan PDRT, PDC, PMD, no Trbalista, afinál husi partidu kiik sira nebe sadere ba ASDT hodi kandidata Francisco Xavier Amaral ba prezidente la sériu no hamosu konfuzaun boot hafoin bloku nee lansa liu loron ida det.

Hafoin lansa bloku iha 19/05, loron tuir mai iha 20/05, prezidente partidu Trabalhista PTT hasai deklarasaun nebe halo konfuzaun boot ba partidu ASDT; Iha diskursu prezidente PTT Angela Freitas, iha mililitante no simpatizante  ASDT iha serimónia selebrasaun loron moris  partidu ASDT ba tinan 37, no restaurasaun independénsia ba dala 9, nia  deklara nia mos sei kandidata ninia an ba kargu Prezidente da Repúblika iha eleisaun prezidensial 2012, nudar kandidatu independente.

Re-Eleito ba Sekjer

Naha Todan Ba Dionisio

Dili- Deonisio Babo atual sekretario jeral nebe re leleitu fila fali  iha segundu kongresu partidu CNRT hateten, konfiansa nebe nia kontinua simu nudar naha todan ba nia.

Liu husi votausan aklamasaun, Deonisio Babo kontinua duet ho prezidente cnrt atual kairala Xanana Gusmao hodi lidera partidu CNRT ba periodu 2011-2015.

Entretantu relasiona ho ninia kandidatura nebe releitu husi pakote rua no la muda ninia “ba hau konfiansa nee naha todan ida, ba hau tenke hatudu servisu nebe boot liu tan, resultadu servisu partidu nian iha, tanba sira hotu hotu ninia apoia”, tenik Babo ba timor post iha hafoin remata eleisaun estrtura partidu nian iha sentru konvensaun Dili, 02/05.

kargu hanesan Sekretario Jeral partidu nian, nia konfesa katak nee, sentimentu orgulho boot katak nia bele hetan konfiansa naatin husi baze hodi akompanha prezidente atual partidu nian hodi lidera partidu CNRT.
Babo promete, ho konfiansa nebe militante kontinua fo liu husi kongresu nee, Atu frotifika tan estrutura partidu nian konsolidasaun  ba partidu laran sai forte; halo programa diak liu tan bele servisu too karaik hodi servisu  makaas alkansa no hetan fiar no tenke  manan mairioa, kaer ukun mesak aleinde nee desenvolve relasuan diak ho partidu seluk kria dialogo ho partidu historiku Fretilin no mos partidu sira sleuk.

 “Nee kebangaan luar biasa, tanba fiar nebe delegadus hotu fo, hau la imajina, Orgulho lahalimar tanba lista nen ema hotu tau hau mak akompanha maun Xanana”tenik Babo.
Nia haktuir resultadu hotu nebe atinji no nia kontinua Hetan lalao mesak ba sa nuudar servisu boot husi ekipa tomak iha partidu hotu CNRT nian hahu husi nasional to selkom sira; Ho kargu nebe hatudu nia releito hikas nudar sekjer, Nee hanesan motivasaun boot no servisu makaas liu tan tanba nee nia promete, sei tane fiar nee no  la husik fiar nee monu ba rai.

Liha husi konferensnia nee tarjetu CNRT nian tuir mehi nebe presidente kay rala Xanana Gusmao deklara fo formula CNRT=P45+; Hafoin de votasaun horikalan, Timor Post  konsege intrevista ho atual sekretario jeral nebe Re Eleito Deonisio Babo.
Deonisio esplika, formula nebe presidente partidu fo sai nuudar pasu ida fo korajen ba militante timro oan tomak tenke servisu mkaas hodi atinji CNRT ninia mehi, CNRT minimu sei bele hetan kadeira 45, bele halo mudansa barak ba desenvovlimentu rai nee nian no ukun mesak iha 2012.(augusto samrento).

Militante Tama Sai Parpol

Lideransa Sai Ayam Potong

Dili-Era Demokrasia, povu iha liberdade, em kualker aera, inklui tama sai partidu politiku, tanba nee partidu poltik hotu labele neon aas, tanba povu oras nee matenek tiha ona atu eskoilha buat neb nai hakarak.

Hatan ba kestaun militate Partidu Demokratiku iha Distritu  Ainaro, Deputadu Rui Meneses husi bancada PD hateten, ho afiliasaun militante partidu politku tama sai partidu hanesan tama sai merkadu fihir obralan, nee situasaun ida ke normal no laos fator ida nebe determina partidu rumanebe simu ema sira nee mak sei manan iha eleisaun.

“Noraml, Ida rua sai ba partidu seluk nuudar ambitu demokratiku, mosu grupu bot ida atama mai partidu demokratiku mos ambitu demokratku”tenik deputadu Rui ba jornalista sira iha uma fukun. 03/05.

“ povu lohi partidu no halimar partidu sira hanesan ayam potong nee hatudu katak partidu poltiku mak beik no povu nee mak matenek” nia hatutan.

Rui hatutan, haree importansia ba desenvovlimentu Demokrasia ha rai laran, desde uluk kedan prinsipiu Partidu Demokratiku, nunka tau kuda Marka ba ninia militante sira.

“so uniku partidu ida nee, mak lakohi fahe nini kartaun ba ninia militante sira”tenik Rui.

Nia haktuir, lideransa Partidu balun atrapalha ho presensa militante sira tama sai ba mai, kal iha kakutak hanoin tiha ona sei manan iha eleisaun.

Rui realsa, partidu PD lakohi kesimetin ninia militante sira basa, tanba Povu libre eskoilha partidu nebe deit, nudar parte ida husi dereitus humanus.

“ami tenke konsedera militante bai bain, ba povu livre eskoilha partidu nebe deit; Iha ambitu demokrasia ita labele fahe kartaun partidu nian ba militante sira,hodi fahe fali povu iha nivel suku aldeia no distritu” Rui hatutan.

Nia kongratula ba sira nebe tama  partidu seluk,ami fiar katak sira sei halo diak ba ita nia rain desenvolve ita nia rain no mos iha partisipasaun ida ke ativa liu tan Nia fo mos bemvindo, ba ema lubu boot nmebe dolar tama Partidu Demokratiku.

Nia esplika, situasaun nee sai bele dehan hanesan roda, sai husi fatin ida ba ida, no ida seluk mos tama fali, Radikalmete labele dehan ema sira nee traidor ka laiha prinsipio tanba nee ambiente demokratiku no iha liberdade nia laran.

Ho afiliasaun militate pd ba partidu seluk, sei la hamosu imapkatu ba PD, nia haktuir  Sei iha impaktu katrik desde uluk mosu ona ba PD, iha eleisaun 2007.

Nia hateten, ema barak tama mai PD ami hanoin katak bele manan ema barak sai no tama ba partidu seluk hanoin dehan atu manan, maibe resultadu laiha

Sira mos lamanan tamba povu mos matenek.

Afiliasaun militante sira tama sai partidu iha lideransa balun kokorek oha iha media ho fiar aan deklara tau manan ihaeleisaun, Ema sira nebe rame rame sai husi partiduida tama partidu seluk, nee laos  fator nebe determina manan eleisaun.

Maibe Depende servisu, figura lideransa nebe diak no povu rasik mak iha esperansa no espetativas boot katak patidu refere sei lori naroman sosio ekonomiko no povu nia moris. Fontes +(augustu sarmento)

Buras Rejeita Estrutura PD

‘Mout’ Iha CNRT

Dili- vise presidente partido demokratiku Jose Nominando ‘Buras’ konfsa, ema hirak nebe sai hanesan lider potenisis nebe nadododn tama partidu CNRT maske balun sai fundador ba partidu maibe ema sira la inskreve iha esturutra impostamte PD nian .

Buras, vise prezidente, atual prezidente interinu Partidu Demokratiku (PD), konfesa ba Timor Post hodi rejeita mkaas,  estrutura prinsipal balun  PD afilia ba partidu CNRT.

“ Hau desmente kedas, katak estrutura PD komesa husi Aldeia, Suku, Sub Distrito,  Distrito no Nasional, to ohin loro ron seidauk halo deklarasaun ses husi PD,”tenik Buras ba Timor Post iha uma fukun, Tersa, 04/05.

Nia realsa, afirmasaun nebe hatoo, baseia ba resultadu konferensia iha fulan marsu halao iha kanosa has laran, hatudu militante no estrutura tomak PD ninan seidauk afirma estrutura PD nian too ohin loron deklara sai husi partidu.

Nia hateten, ema sira nebe ba (CNRT) laiha inskrisaun iha partidu nia laran, maibe nudar militante simplis sira, iha dereitu sivil politika atu ba hamutuk ho organizasaun ida nebe det.

 “ Iha demokrasia  nee sira iha liberdade iha dereitu tomak  fihir organizasaun nebe merese sira helik ba no halo tuir prinsipio organijasaun nebe sira tama”tenik Buras.

Nia esplika, militante balun uluk hetan nomeasaun politiku okupa kargu iha governu AMP, sira mak iha imajen partidu CNRT nia laran, iha partidu sira laiha pozisaun ruma.

Nia reforsa, ema ruma nebe noeia ba kargu governu mak dolar fali ba partidu seluk bele konsedera hanesan puta poltika, PD laiha preokupasaun bainhira, esturutra pd mak nakferea ou estrutura PD iha baze mak deklara aan afilia ba partidu seluk.

Nia hatutan, ema sira nebe tama sai partidu poltika bele konsidera hanesan grupu tama nebe husik sira livre atu atama sai kulker . nia hatutan, PD fair liafuan indonesia hateten Percaya Diri, fiar ba militante inan aman povu Timor Leste ema barak mos mak fihir hela Partidu Demokratiku.

Entretantu prezidente Juventude Demokratiku, Filipus Pereira iha ninia kanaar fatin, Gabiente SEJD hateten, ho afiliasaun militatnte nebe tama sai nudar Interese Eternal.

Nia hateten, se ema ida kuandu nia tama iha partidu haree katak partidu refere,  bele lori  aspirasaun povu, tanba partidu  representa povu ninia aspira, tanbe nee PD  haree hanesan prosesu ida nebe ema hotu hotu  foin mak atu aprende kona ba demokrasia respita liberdade universal.

“importante iha partidu ida mak prinsipio nebe ema hotu luta, prinsipio ,mak  fuan Jantung husi partidu poltika ida,  “ohin deklara partidu A, aban deklara ba partidu b, bairu partidu seluk nee siginifika avnetureiro poltika, bele mosu interese ekonomia pozisaun no familiarismu” Nino hatutan.

Nia afrima, se ema nebe dolar ba mai no taka kulit ho partidu korkores, siginifika katak ema nee halao hela aventureiro poltiku, ka politick piligrim. nia realsa partidu so kesi ema ho prinsipio laos karaun partidu nian “partadu faan fiar ema sira nebe sosa fiar (konfiansa) nee mak militante partidu nian.(augusto sarmento)

CNRT Sei Aplika Recall

Tebe Sai “Deputadu Malandru”

Dili-Deonizio Babo, atual Sekretario Jeral partidu Kongresu Nasional Rekosntrusaun Timor Leste (CNRT), karik manan mesak sei aplika sistema recall hodi regula memebru Governu no membru parlamentu nebe baruk ten no Malandru.

“se ami ukun mesak, hau nia hakarak, introdus sistema Recall, iha parlamentu para membru PN no governu halo servisu ladiak partidu bele recall” tenik Babo ba Timor Post hafoin eleisaun ba segundu kongresu CNRT iha Sentru Konvensaun De Dili (DCC), 02/04.

Babo hatutan, maske ida nee sai promesa CNRT nian maibe  tenke muda  sistema rejimentu iha partidu  no parlamentu nian hodi regula ema sira nebe ejerse sira nia funsaun hanesan Deputadu no membru govenr nebe hetan mandatu husi partidu politiku.

Entretantu tuir deklarasaun nebe mai deputadu Rui Menezes husi Bankada PD iha plenaria segunda loraik, 03/05 hateten, sistema refere hakarak aplika kedas iha primeira lejislatura maibe tanba kontra sistema demokrasia nee mak la konsege.

Nia hatutan altura primeira lejislaturatau ona proposta recall  maibe Fretilin rasik haree sistema recall bele hamate demokrasia iha rai ida nee  ne duni Feretilin rasik la fo dalan.

“se agora prposta recal nee mak validu iha pn siginifika poltiku sira la  lao ba oin, maibe lao ba kotuk”tenik deputadu Rui.

Nia hateten sistema recall iha rai seluk iha maibe halai liu ba sitema komandu eskridistas, estadu kundo lla lao partidu poltiku uniku sira mak kontrola sistema estadu nian sitema nebe partidu mak tau aplika ba estadu.

Entretantu deputadu Aderito Hugo husi Bancada CNRT rasik hateten iha segunda feira loraik governu hatoo ona proposta recall maibe la pasa iha parlamentu tanba paraser legais hateten sistema recall kontra konstituisaun RDTL.

Nia hateten, laiha recall hatudu katak partidu rasik laiha nehan hodi regula ninia ema nebe nia delgea ba tur iha pn maske baruk ten no lahalo funsaun ho diak ou kontra tan partidu mos partidu labele halo buat ida.

Nia hetetn, CNRT rasik haree iha estatutu partidu nian karik eleitu ema refere tenke iha responsabiliade ba ninia kargu fasilita programa partidu nian, tamba nee CNRT sei refrosa simeta nee liu husi estautu partidu nian.

Nia haktuir, Rejimentu nebe agora iha, se Deputadu nebe falta dala lima segudo bele lakon ninia mandatu, maibe  relaidade deputadu barak kontra hela mos la implementa no la paratika iha asaun konkreta.

Aleinde nee deputadu Manuel Tilman husi partidu KOTA hateten sistema re cal labele aplika duni tanba  tuir estatutu deputadu sira no rejimentu parlamentar rasik  katak deputadu nebe eleitu representa povu, la preresenta partidu.

 Tilman hatutan se deputadu ida mak parlamentu hasai ou ninia partidu hasai nia sei kontinua ba reklama iha tribunal supremo, no tribunal rasik sei desidi de deputadu rfere ejerse fila fali nini funsaun.(augsuto sarmento)

Liurai  Boot Baraganca

Hakarak  Hetan Nasionalidade TL

Dili- Dom Durte Da Baraganca Liurai  boot braganca , nudar belun boot nasuan Timor Leste, no Amigo boot husi Portugal  husu ba Estadu Timor Leste atu nia iha posibiiddade hetan nasionalidade Timor Leste.

Nasaun Timor Leste laos foun ba liurai nebe  bai bain koinhesidu ho naran ‘Duke da Baraganca’ tanba iha prosesu luta nasaun ne nian durante resistensia, liu rai nee mos fo ninia kontribuisaun boot.

Duki De Baraganca, Dom Duarte ofisialmente, hatoo ona proposta mai Estadu Timor Leste, atu bele fasilita nia legelmente hetan Nasionalidade Timor Leste, tanba nee Prezidente Da Republika hatoo ona prposta refere ba parlamentu nasional iha komisaun A nebe trata asuntu justisa hodi estuda.

Hatan ba asuntu nee deputada Fernanda Borges, prezidente komisaun A hateten, komisaun A hahu deskute ona proposta refere kinta feira horiseik, no Agora  komisaun A sei hadia relatorio pareser  no sei hakata ba votasaun plenaria.

“Ami haree, Duke da Braganca, bele halo hanesan ita rekoinhesmentu honorifiku , hodi rekoinhese ninia servisu ba Timor Leste”tenik Fernanda Borges.

Nia hateten estadu Timor Leste tau konsiderasaun tanba Duke da baraganca ema Porutugues ida nebe fo apoiu tomak ba nsaun nee kuandu iha prosesu resistensia ba libertasaun.

Aleinde nee, Prezidente komisaun a nee informa, liu husi enkontru komisaun a horiseuik koalia mos kna ba amullik nain 13, nebe prienxe ona rekr3esitus hetan nasionalidade, tanba nee komisaun Sei rekomenda ba Ministerio Justisa kona ba asuntu nee.(augusto sarmento)

FM Apoia Xanana

Kaer Ukun Iha 2012

Dili- Vitor Da Costa, Prezidente interino partidu Frente Rekonstrusaun Timor Leste Independente,  (Fretlin-Mudansa), deklara  Timor Post , kontinua fo fiar ba Xanana hodi kaer ukun iha tinan 2012 ba oin.

“Ami kontinua fo apoia ba maun boot Xanana, ami atu kadeira oituan mos, kontinua fo apoia ba nia nafatin”tenik prezidente interinu fretilin mundansa Vicente ba Diario nee iha ninia knaar fatin edifisiu MSS Kaikoli, Dili; kinta, 05/05.

Nia hatutan rasaun Fretlin-Mudansa fo nafatin fiar ba Xanana Gusmao tanba rasaun estabilidade, no hakuak povu Timor Leste.

Nia rejeita maka’as ho informasaun nebe espailha iha publiku katak Fretlin-Mudansa sai husi CNRT, nia realsa Fretlin-Mundansa la sai husi CNRT maibe kontinua luta hamtutuk no dudu Xanana Gusmao kaer ukun iha 2012.

Nia haklaken Fretlin-Mudansa iha razaun forte hakarak sai partidu politiku, tanba situasuan nee nudar porsesu ida hodi koresponde ba opiniaun publika nebe konsidera Fretlin-Mudansa hanesan gurpu nebe ilegal no gurpu nebe tabele tun sae.

Aleinde nee Fretilin-Mudansa rasik iha visaun no misuan politika rasik nebe la ses husi rekonstrusaun no desenvolvimentu ba rai ida nee.

Entretantu, antes ne’e skeretario Jeral partidu (CNRT), Deonisio Babo hasai bebeik deklarasaun katak CNRT partidu refere, la taka aan, maibe nakloke ba Timor Oan tomak.

Babo hatutan, CNRT prontu servisu hamutuk ho partidu sira sleuk, Maibe atu halo koligasaun ka lae, iha segundu kongresu CNRT iha Sentru konvensaun Dili semana kotuk, CNRT  deklara ona sei halo konfrenesia  Nasional hodi determina pozisaun partidu nain relasiona ho koligasuan no mos hili kandidatu nebe  kandidata aan Prezidente Republika.

Aleinde nee dekalarasaun kona ba apoia Xanana, laos foin mak Fretlin-Mudansa, tanba iha fulan hirak liu dirijentes prezidente ba partidu PST mos deklara no kontinua fo fiar ba Xanana hodi kontinua kaer ukun iha 2012.(augusto sarmento)

UNDERTIM Preparadu Eleisaun 2012,

Dili-Reis Kadalak, Sekretario Sekretariadu Distritu  Dili  hateten, Partidu UNDERTIM prontu no preparaan ba hasoru festa demokrasia eleisaun Presidensial no Parlamentar iha tinan 2012.

Kadalak hatoo lia hirak nee ba Timór Post hafoin partidu  UNDERTIM halao konsolidasaun iha suku Metiaut, Sub distritu Kristu rei, Domingo 08/05.

“UNDERTIM preradu ba kompetisaun iha eleisaun jerál iha 2012, nuudar partidu politiku”tenik Reis Kadalak.

Nia haktuir ho konsilidasaun husi meti aut nee, UNDERTIM sei esforsa aan halo konsolidasaun iha dsitirut dili laran, hodi monta estrutra tomak, Nia hateten konolidasaun nuudar parte ida normal iha polítika, nuudar prinsípiu estaututaria programa mínimu partidu nian, kuandu bolu on partidu tenke konsolida aan hodi para aan.

Nia hateten ba UNDERTIM buat importante iha oin  mak eleisaun jerál 2012, aleinde nee  sei hasoru eleisaun Camara Municipal.

Nia haktuir, UNDERTIM hetan mudansa boot tanba ema barak mak tama husi partidu seluk no ema sira nebe simpatia aumentaTanba nee UNDERTIM preokupa hodi involve ema sira nee iha estrutura.

Aleinde nee nia infroma, Iha fulan Agostu tinan nee UNDERTIM sei halao mos ninia kongresu, nasional, atu hakat ba kongresu, preparasaun atinji 80%, falata 20 %, ba Finansiamentu konsume no transporte.

UJESTU Sosializa Lei

Arte Marsiais Iha Turiscai

Turiscai-Grupu estudante Turiscai Oan nebe mai husi Universidade Nasional Timor Loro Sae (UNTL) Universidade Da Pas (UNPAS) no Universidade Oriental UNITAL inklui e estudante eskola sekundaria 5 de Maio konsege sosiliza  lei arte marsiais ba povu Turiscai.

Franscisco Barbosa, Xefe Konselhu Igreija Parokia Nosa Senhora De Fatima Turiscai, aproveita oprtunidade nee apela ba lidernsa arte marsiais sira hodi didika no hatudu ezemplu diak ba alunus arte marsiais sira,Nia haktuir konflitu Arte Marsiais laos iha esatrada ninin deit, maibe daet mos to eskola tanba nee nia nia realsa lideransa sira tenke forte eduka sira nia membru. 

Lucas Veira Branco membru arte marsiais PSHT iha ninia intervensaun hateten, konflitu kiik nebe mak bai bain mosu laos orientasaun hui lideransa orgnajisaun no lori organijsaun nia naran mak halo konfiltiu, nia konfesa hahalok sira nee mosu tanba arogansia pesoal, maske nune publiku rasik mak julga hodi duun ba arte marsiais; afinal laos arte marrsiais mak halo konflitu iha.

Narcisio Verdial lideransa Arte Marsiais husi Kera Sakti  iha ninia intervensaun apela ba autoridade lokal xefe suku sira mak tenke atua situasuan sira nee ho imparsialidade laos defende grupu A ou defende grupu B.

Mateus Dejesus lideransa husi KORK hateten, antes nee iha parokia Turiscai kada fulan iha enkontru mensal hodi halo avaliasaun, maibe atividade ne paradu tanba mudansa troka amu foun, maske nunee, nia sujere sei kontinua atividade nee ba oin.

Sosializasaun nebe halo iha salaun administrasaun nee  iha lrorn 23/04, hetan partisipasaun masimu ema kuaze nain 50, kompostu  husi lideransa Arte Marsiais lokal Sub Distritu  nian mak hanesan Persaudaraan Setia Hati Teratai PSHT , Ikatan Kera Sakti (IKS)  no Kmanek Oan Rai Klaran (KORK), xefe suku sanulu rein ida inklui lideransa joventude sira no mos polisia Sub Distrittu nian.

Iha atividade nee UJESTU fahe mos bola futebol ba kada grupu Arte Marsiais, no mos distirubui livru lei arte marsiais, apoio husi parte administrasaun sub distritu  nian UJESTU konsege distribui livru 500 nebe simu husi komisaun Reguladora Arte Marsiais remata.(augusto sarmento)

Jornalista Foin Sa’e

Mak Futuru Media Timor Leste

Dili- Dyland GELARD, embaixador franca ba Timor Leste hateten, Jornalista ho otas nurak sai nuudar esperansa ba desenvolvimentu media Timor Leste iha futuru.

Dyland hateten lia hirak nee  antes fahe sertifikadu ba partisipante kursu vedeo news reporting ba jornalista Timor Oan nain ualu iha sentru internasional ba jornlaista sira  iha ICFJ , bairo Formosa, 13/05, sesta semana kotuk.

Entretantu treinador ferederic durand drouhn ofisial husi Journalista Reporter Image JRI, hateten, servisu iha media televisaun kamera mak sai lapisera ka kaneta jorulnaista ka bai bain bolu kamera man nian.

Nia hatutan, sai journalista ba televisaun tenke hadomi material sira nebe uja hanesan kamera no seluk tan, se produs notisia televisaun ida tenke iha filmajen nebe diak no ambiance lian diak, se filme diak sem lian, ou lian diak maibe filamjen nakukun nee la siginifika notisia no sei lauja ikus liu tau iha lixu.

Entretantu diretor ICFJ iha Timor Leste Bikila Merge iha ninia intervensaun fo agradese ba treinador Frederic atual  freelance ba televisaun Chanal France International CFI  no representante estadu  franca, Dyland Gelard, iha kooperasaun diak ba treinamentu nee.

Bikila mos observa, durante treinamentu lao diak no hetan partisipasaun ativu husi partisipante sira durante loron lima hahu husi 9-13, fulan semana kotuk maiu.

Treinamnetu nee partisipa husi media Timor Today Online ema nain tolu, CAMSTIL ema nain ida, Timor Post nain ida, CPA nain ida, no Radio Komunidade Lifau Oecusse nain ida.(Augusto sarmento)

Bancada ASDT Triste

Konflitu Buras Iha Partidu

Dili-Reprezentante povu husi partidu Asosiasaun Sosial Demokrata Timorrense (ASDT) hato’o sentimentu triste, tanba iha partidu ninia laran, kontinua koalia maibe la rona malu.

“Konflitu internal partidu ASDT lor loron aumenta, no desintendementu mos buras ba bebeik, halo militante no simpatizante duvidas” tenik Xefe Bancada ASDT, Domigos Da Costa ba jornalista sira iha sala Bancada iha Parlamentu nasional, segunda, 16/05.

Domingos hateten, Membru deputadu nebe hetan asentu parlamentar husi ASDT ho estrutura tomak nebe hetan lejitimadade husi primeirio kongresu nasional iha 2006 deklara, Kualker asaun nebe halao husi Arlindo Marsal, atual vise prezidente partidu konsidera ilegal.

Tanba estrutura nebe konsagra no husi Jornal da Republika, Arlindo Marcal ninia naran la iha. Sira informa Arlindo Marcal, infrenta hela kazu boot iha governu anterior neb oras nee submete hela iha Prokuradoria Jeral.

Bancada ASDT mos husu CNE hapara subvensaun publika ba ASDT tanba konflitu iha partidu laran seidauk resolve. Tanba nee sira husu CAC halo inspeksaun ba sekjen interinu ASDT.

  Fator husi orsamentu ne’ebe II Adjuntu Secretario Geral Interino  ASDT  ba foti ne’e hetan mos deskonfia husi deputadu nain lima ne’e liu husi militante balun, katak osan refere laos lori ba hala’o fali aktividade partidu maibe uza fali ba intrese privadu hanesan sosa kareta no uma. Presidente Bankada ASDT ne’e deklara tan katak, karta ne’ebe sira halo hodi husu atu kansela orsamentu refere, tamba bazeia ba estatutu ne’ebe partidu ASDT iha. no tuir Presdente ne’e katak, intensaun husi sira nia parte hakarak atu kaer grupu ne’e sai diak liu tan atu nune’e bele organiza partidu ASDT sai bot liu tan.

            “Ami tauk ema sira ne’ebe organiza dadauk partidu ASDT agora ne’e ema ne’ebe foun e laos ema sira ne’ebe uluk iha estrutura ou estatutu ASDT nian uluk, ho ida ne’e mak ami tauk tamba iha mos ema balun mai husi partidu balun katak ninia partidu lulun biti tia ona agora nia mai tama fali ASDT keta halo ASDT aban bainrua lulun biti tuir ninia partidu”akresenta nia.

            Nia realsa katak, protestu ne’ebe sira halo  ho intensaun atu troka estrutura partidu nian ne’ebe tenke liu husi kongresu, I laos naran halo deit no latuir lei partidu, tan ne’e maske oinsa mos husi sira nia parte kontinua mantein sira nia pozisaun hodi iziji nafatin.

            Parte seluk hatán ba protestu ne’e tuir II Adjunto Secretario Geral Interino ASDT, Elidio “MauterÇa” MendonÇa hatete, lolos ne’e deputadu nain rua iha parlamentu nasional hanesan Alberto da Cruz ho Domingos da Costa laiha ona diretu no legalidade iha partidu ASDT.  Razaun husi II Adjunto Secretario Geral interino ne’e katak, sala ne’e mai husi deputadu nain rua ne’e tamba deputadu sira ne’e halo kongresu ekstraordenariu ba partidu ASDT iha dia 2 to’o dia 3 de Julio 2008 liu ba iha salaun Sao Paulo II, nunka atu iha rekonhesementu husi Presidente ASDT FaranÇisco Xavier, tan ne’e Presidente ASDT rasik konsidera kongresu ne’ebe sira halo ilegal.

“Hanesan ne’e tuir ami nia Presidente partidu rasik hatete katak, ba Deputadu Alberto cruz ho Domingus da Costa laiha ona legalidade iha partidu ASDT, tamba sa mak laiha legalidade tamba iha kongresu rua ne’ebe mak halo iha dois mil oitu sira halo iha dia dois to’o dia tres junhu iha Salaun Sao Paulo II, ne’ebe iha sira nia kongresu ne’e partisipa duni husi Sinor Xanan, La-Sama no Presidente da Republika, I depois ami nian ami halo iha dia katorgi to’o dia kinzi Novembru hamutuk ho Presidente partidu ASDT no militante sira hotu tamba ne’e Presidente partidu rekonhese mak kongresu ne’ebe ami halo”deklara II Adjuntu ASDT ne’e iha SEDE ASDT Bairo Pita Hudi Laran.

Tamba ne’e, orsamentu partidu ASDT nian ne’ebe aprova iha 2008 liu ba CNE emtrega ba Secretariu Geral ASDT, tamba konsidera kongresu ne’ebe Secretariu Geral sira halo ho Presidente ASDT ho militante sira ne’e mak legal. nune’e relasiona ho orsamentu partidu ne’ebe sai polimika iha grupu rua ne’e tuir Presidente ASDT Xavier do Amaral katak, protestu husi deputadu nain rua  ne’e hanesan manu ida ne’ebe mak kokotek  no kokoreek iha lutu liur. “Tamba ne’e, Sira rasik mak hatama duni sira nia an ba kadeia”tenik Elidio.(cos/ato)

PDN Rezeita Deklarasaun

Xefe Suku Kaikoli

Dili- liu husi karta komunikadu nebe deriji dereitamente mai redasaun timor post 16/05, Partidu Dezenvolvimentu Nassional (PDN) lamenta deklarasaun Xefe Suku Kaikoli nebe deklara iha Timor Post sabadu semena kotuk katak ezistenisa PDN iha kaikoli ilegal.

“Hanesan povo ida neba hela mos iha Suco Caicoli hau Manuel Gonçalves Mauhura sente triste ba xefe do suco nia kapasidade, no husu doque maun bot Hipolito preukupa mak PDN nebe karik sente hanesan ameasa politik bot ida iha suku  ne’e, tansa lahanoin oinsa organiza povo kaikoli  rame-rame gotong royong hamos baleta kuak hodi nune’e bele hado’ok an husi moras oi-oin nebe bele hetan husi susuk”tenik Manuel.

Manuel relasahodi fo hanoin ba  publiku katak PDN liu ona processo rejisto iha Ministerio da Justiça no hetan legalidade liu husi desijaun Tribunal de Recurso  no pública mos iha Jornal da República.

PDN bele hala’o nia programa iha nebe deit no sei laiha limitações husi se deit, durante actividades ne’e la ses husi koridor ida katak politika desenvolvimento ba progreso e prosperiedade povo Timorenses. “PDN sai hanesan Partido legal iha Timor Leste. Hanesan partido politico PDN iha direito mos hanesan partido sira seluk nebe eziste iha rai ida ne’e”tenik manuel iha karta refere.

Manuel hatutan, partidu PDN iha direito atu hetan fatin ruma hodi usa sai hanesan SEDE hodi hala’o actividades  partido nian. Desijaun autoridade lokal, Xefe do Suco, submete ba Governo sentral konaba oinsa atu usa Bens e moves no propriedades Estado nian.

Kona ba ejistensia sede nasional PDN legalmente autorizasaun ne’e mai husi Ministerio da Justiça, koinhesemento verbal PDN hato’o tiha ona ba Hipolito nudar Xefe do Suco Caicoli.

Koordenador joventude desnvovlimentu nasinal nee hateten, Exemplo seluk kona ba Sede do Suku, ida ne’e mos usa uma nebe uluk tempo Indonesia sei invade teritorio ne’e, ita nia maluk religiaun Muslomano utiliza hanesan Mushola, sede ne’e deit mos ate agora kondisaun sei nafatin hanesan tempo Xefe Suco tuan nian,  portanto buat barak xefe suku ne’e bele halo atu desenvolve suko kaikoli.

Nia hatutan, Fulan Maio ne fulan historiko tamba 20 de Maio mai ne’e ita sei komemora tinan 10 loron restaurasaun Independencia,

 Tuir ninia observasaun  Xefe do Suco sira kreatif tebes, ho sira nia matenek buka meus oinsa komemora loron historiku ne’e, maibe xefe do suku Kaikoli  fo importancia ka lae ba loron ida ne’e, no se iha karik oinsa  povo kaikoli ne’e bele hola parte no saida sai hanesan programa suku  nian iha tempo badak no tempo naruk hala’o tiha ona ka seidauk.

 Nia preokupa ho deklarasaun Xefe Suku Kaikoli nian tanba hateten, partidu PDN okupa uma ne’e illegal,Deskonfia parte ruma mak halo aproximasaun no parte seluk bele hetan ninian vantajen. Afinal iha prosesu harii uma sede nasional PDN xefe suku mos hamriik iha neba no kolia hodi tau matan.(*augusto sarmeto)

Rekursu Humanu

Determina TL Tama Asean

Dili-Membru Parlamentu Nasional , rekoinhese frakeza Timor Leste nian nebe sei faraku iha seitor r rekurus humanu nuudar anesan fator nebe halo adiamentu Timor Leste  sai membru grupu nasaun iha soudeste asiatiku ASEAN.

Deputadu Aderitu Hugo husi bancada partidu CNRT hateten nia konkorda ho pozisaun singapura nian nebe husu Timor Leste hadia uma laran didiak antes sai memru ASEAN.

“parabens ba singapura tamba nia konsege hare, duke nia nnok no finje haree frakesa balun, no fo bemvindu”tenik Aderito.

Deputadu nee mes kestiona ho deklarsaun Singapura nian nebe kestiona liu mak kestaun konflitu interna,  Se konflitu internu nia fo ezemplu ba nasaun Birma lalao, rezim ditadura, ASEAN la resolve, inklui mos problma fronteira iha Kamboja entre Tailandia.

Aderitu haktuir, timor leste merese sai ona membru tanba, haree estabilidade  nasaun nee konsege rekoperea no  sai husi pos konflitu, tanba nee nia husu ba lideransa politik nain sira  labele politiza.“Uluk nasaun sira seluk antes tama ASEAN sira la priense kriteiru refere” nia dehan.

Nia hatutan, oras nee dau daun governu tenke hare seitor rekursu humanu, maibe esforsu ida nee  governu anterior no atual halo tiha ona investimentu, nee hatudu katak estadu Timor Leste mos la haluhan tau importansia ba futuru.

Entretantu eis vise primeiru ministru atual deputadu bancada PSD, mario viegas carascalao hateten, nia lakohi involve aan iha esforsu nebe governu halo dau daun, liu husi ministru negosio estranjeiru.

 Nia hateten pozisaun Singapura iha intensaun atu husu timor leste kria ekonomia globalizada iha ASEAN,   “Sira haree, Timor Leste sedauk iha Human Resorsces nebe natoon, hau nia haree, ita tama ba sai kedas porsentu atus ida; talves seidauk”tenik eis goveenardor Timor Timur nee.

Nia hateten, Kamboja Laos tama ba ASEAN lao mos la ho porsentu atus ida, tanba nee nia husu atu timor leste diak liu  tama ba hanesan aprendis , “se timor tama ba kaer kedas nivel Malaysia, Singapura , Indonesia, Filipina nee ita la preparadu”nia hatutan.(augusto sarmento)

PARTIDO DESENVOLVIMENTO NACIONAL

                               Rua : Estrada de Caicoli, em Frente de Bombeiros e ao lado do Stae

                                      No. Contacto  : ( +670 ) 7240063, 7236181, 7347548, 7276793, 7477250

Ba                   : Ex.mo Sra. Xefe Redasaun Timor Post

Husi                : Coordenador Nacional Juventude  Partido Desenvolvimento Nacional

Assunto           :  klarifikasaun ba acusasaun xefe de Suco Caicoli

Loron diak.

Liu husi carta comunicado ida ne’e, hakarak fo hanoin fali ba public tomak  katak PDN liu ona processo rejisto iha Ministerio da Justiça no hetan legalidade liu hosi desijaun Tribunal de Recurso  no pública mos iha Jornal da República, tan ne’e PDN sai hanesan Partido legal iha Timor Leste. Hanesan partido politico PDN iha direito mos hanesan partido sira seluk nebe eziste iha rai ida ne’e PDN bele hala’o nia programa iha nebe deit no sei laiha limitações husi se deit, durante actividades ne’e lases husi koridor ida katak politic desenvolvimento ba progreso e prosperiedade povo Timorenses.

Tamba ne’e, PDN mos iha direito atu hetan fatin ruma hodi usa sai hanesan SEDE hodi hala’o actividades  partido nian. Hanesan autoridade local Xefe do Suco sira mos submete ba Governo Central konaba oinsa atu usa Bens e moves no propriedades Estado nian legalmente autorizasaun ne’e mai husi Ministerio da Justiça laos Xefe do Suco. Cunhesemento verbal ami hato’o tiha ona ba Sr.Hipolito nudar Xefe do Suco Caicoli.  Hanesan povo ida neba hela mos iha Suco Caicoli hau Manuel Gonçalves Mauhura sente triste ba xefe do suco nia capasidade, no husu doque maun bot Hipolito preucupa mak PDN nebe karik sente hanesan ameasa politic bot ida iha suco ne’e, tansa lahanoin oinsa organisa povo caicoli rame-rame gotong royong hamos baleta kuak hodi nune’e bele hado’ok an husi moras oi-oin nebe bele hetan husi susuk. Exemplo seluk kona ba Sede do Suco, ida ne’e mos usa uma nebe uluk tempo Indonesia sei invade teritorio ne’e, ita nia maluk religiaun Muslomano utiliza hanesan Mushola, sede ne’e deit mos ate agora kondisaun sei nafatin hanesan tempo Xefe Suco tuan nian,  portanto buat barak que xefe de suco ne’e bele halo atu desenvolve suco Caicoli.

Fulan Maio ne fulan historiko tamba 20 de Maio mai ne’e ita sei komemora tinan 10 loron restaurasaun Independencia, hau observa iha fatin seluk Xefe do Suco sira kreatif tebes, ho sira nia matenek buka meus oinsa komemora loron historico ne’e,hau lahatene hau nia xefe do suco fo importancia ka lae ba loron ida ne’e, no se iha karik oinsa ami ninia povo ne’e bele hola parte no saida sai hanesan programa suco nian iha tempo badak no tempo naruk hala’o tiha ona ka seidauk tamba bainhira kampanha iha elisaun suco karik Sr.Hipolito promote atu hala’o mudança ba Suco ida ne’e entaun saida mak halo tiha ona no ida nebe mak sidauk, prioridade nebe maka halo uluk, hala’o ona ka sidauk? Pergunta maka ne’e bele ka lae hau nia xefe do suco hamosu programa. Povo Caicoli ne’e 50% agricultores, e maioria agricultor sira ne’e moris ho modo Canco, ba ida ne’e halo hau  relembra fali dia 3-12-2010 liu ba, dadersan deit povo sira nebe kuda modo canco iha Bombeiros nia kotuk hakfodak  tamba hetan sira nia modo nakonu ho OLI foer nebe soe husi kareta Governo nian ida ba belaran impacto husi ne’e modo canco barak maka at iha tempo neba aliende modo oli ne’e bele istaraga mos ambiente,pergunta ida tan to’o iha nebe hau nian xefe do suco preocupa kona ba buat hirak ne’e ka programa maka comfronta deit ho PDN entaun hanesan sidadaun Caicoli hau mos bele bolu hau nia xefe do suco ho naran MAUN COMFRONTATIVO nebe inves hare halo programa suco nian doque hare fali maka PDN nia Sede nebe bainhira husi hamos to’o taka kalen ne’e Maun Bot Xefe do Suco hamrik hamutuk hela ho ami hodi asiste,liu ba liu mai hela hodi tau matan mas la públika iha media Sabado dia, 14 – 05 – 2011 liu ba derpente públika katak PDN ocupa uma ne’e illegal,illegal tuir oinsa tuir xefe do suco nia versaun ka? Ou keta tamba PDN la fo buat nebe iha lian melayu dehan PELICING maibe keta parte ruma halo aproximasaun no parte seluk bele hetan ninian vantagen. Maun…maun tempo hanesan ne’e sei komik hela deit ne’e.

Ami husu se atu mai hamrik karik labele iha ami nia kotuk tamba la’os ami nia membro labele mos iha ami nia oin tamba la’os mos ami nia liderança politik, maibe mai hamrik iha ami nia sorin ita Desenvolve Timor Lorosae, especialmente ita nian Suco CAICOLI tamba ami nia presensa iha suco ne’e sei lahatun maun nia maturidade e dignidade no mos sei lahalakon centavos ida husi ita nia bolso suco nian. Keta haluha Partido Politik hotu-hotu ne’e asset Nasaun nian no hotu-hotu iha direito hanesan ba atendemento. Obrigado

Dili,16 de Maio de 2011

Manuel Gonçalves Mauhura

Coordenador Nacional JDN

CNRT Rejeita Dokumentu PNUD

Dili-Representante povu husi Bancada partidu Kongresu Nasional Rekonstrusaun Timor Leste (CNRT)  rejeita publikasaun dokuemntu nebe fo sai husi instituisaun Misaun Nasoens Unidas  ba desenvolvimentu PNUD iha Timor Leste  hateten prezidente partidu CNRT sai obstaklu ba desenvolvimentu demokrasia iha nasaun nee.

Deputadu Aderito Hugo informa, nia kontesta ona isu refere wainhira halao enkontru trimestral entre lidereres poltiku ho UNMIT, iha kaurtel jeral unmit nian iha Dili.nia  kestiona dokumentu PNUD nebe sei dauk ofisial maibe sai tiha ona ba liur no sai konsumu media nian, ho ajensia sira seluk.

“Amigo atu dehan det buat nebe diak, tenke hateten mos buat at” ne’e mak lia fuan nebe adjuntu UNMIT Fien Risk Nielsen fo resposta ba Aderitu iha enkotru refere; To ikusdokuemtu nee sai duni depois de Asembleia Jeral iha Nova Yorke.

 Aderito hateten, nia komprende ho  espelkulasuan nebe halo, antes relatorio nebe Ameera Haq, hatoo ba asembleia jeral hodi bocor tiha esbosu kona ba desenvolvimentu humana iha Timor Leste.“too ikus dokumentu nee sai hanesan iska, no iska sira nebe tuir nee han tomak det”tenik Aderito.

Nia hatutan Amera Haq mos preokupadu wainhira tau hatoo relatorio desenvolvimentu humanu tenke apar ho relatorio nebe governu nian maibe sitiasuan nee la akonetse.

Pedro Martires haktuir,  ho deklarasaun komentario husi UNMIT, sai ona politika Fretilin hodi hametin kampanha ba eleisaun 2012.

“presiza analiza, ho ninia vrifidade, ou individu sira nebe fo sai deklarasaun nee, keta halo sira balun iha interese ha rai laran”tenik deputadu CNRT nee iha plenaria parlamentu, 17/05.

Pedro hatutan, kaz nebe sai kazu Maternus Bere laos desijaun Xanana nanian maibe estadu iha responsabilidade, relasiona ho orsamentu jeral 2011, la kontra lei.

Nia hateten, se UNMIT hateten Xanana travaun ba desenvolvimentu, hanoin nee hanoin sala, basa  ema nebe Xanana hadomi demokrasia, tanba nee nia hamutuk ho partidu haat kaer govenru metin too tinan 4, nebe la akontese iha rai sleuk.

Nia hatutan, forsa sira nebe uluk bolu mai fo siguransa, povu kaundu sunu malu, ema sira sira trasa sira nia liman, balun hamnasa, “Xanana hautudu ninia obra sakfrifisiu la hasai bala ida iha 2006, maibe kria no restaura estabilidade”tenik Pedro.

Entretantu Arao Noe hateten, nia rejeita total se relatorio nee haree duni ba realidade;  “hau here la los, Desde 2007 mai Xanana seidauk uja forsa hodi resolve problema, nee hatudu atuasan nebe hatudu demokrasia lao iha Timor Leste”tenik Arao.

Arao hatutan, govenru nebe Xanana lidera repspeita rejimentu nebe iha, hatudu governu kumpri , marka audiensia kualker  tempu Primeiru Ministru mai kedas iha PN.(augusto sarmento)

Lasama Husu Estadu Lori 

Ruin Dom Martinho  Mai  TL

Dili-Prezidente parlamentu nasional, Fernando La Sama De Araujo, husu ba estadu Timor Leste tenke lori fila ruin Amo Bispo Dom Martinho Lopes  mai Timor Leste.

“Hanesan Timor Oan, hau hakarak teb tebes atu ita lori fila Amu Bispo, Dom Martinho ninia ruin, nebe oras nee sei tau iha Portugal fila hikas mai Timor Leste”tenik Prezidente Fernando De Araujo La Sama ba Jornalista sira iha konferensia ba imprensa, iha ninia Gabinete, uma fukun Parlamentu Nasional, 18/05.

Nia ejiji estadu tenke halo ida nee  hodi valoriza historia iha pasadu, no prosesu funeral tene lao tuir  tradisaun lisan Timor nian.

“Asuntu nee hau koalia  ona ho Amu Bispu Rikardo no Primeiru Ministru, ami konkorda”Lasama haktuir.Nia hateten, heroi seluk estadu aruma dau dauk, tau hamutuk iha Metinaru, “espesial ba Dom Martinho ninia ruin lori mai tau iha katedral vilaverde”Lasama hatutan.

Lasama hateten,  Dom Martinho iha histotia nebe naruk ba joven sira presija buka hatene didiak, Matebian iha tinan 1982, hamutuk ho  PM Xanana halo mudansa transforma politika luta Timor Leste nian.

Deputadu Rui Menezes hateten do martiho mos heroi timor leste nian ida, tanba iha prosesu luta Dom Martinho sai mentor ba mudansa politika to Timor Leste lao to hetan independensia.

Deputadu Rui Menzes husi Bancada Demokratiku PD iha hanoin hanesan,  nia hateten importante tebes hanesan sentidu estadu teneke lori ruin dom martinho mai hakoi iha Timor Leste , tanba Dom Martinho Aswain boot.

Nia hateten, Prosesu luta , dom martiho  sai hanesan mentor importante ba mudansa sira nebe iha prosesu luta, iha parteseluk, nia Sai ulun boot ba Igreija maibe sai mos ulun boot luta nee rasik,Tanba ho nia matenek konsege muda estratejia luta nian.

Faustino Do Santos husi Bancada UNDERTIM, mos hateten nia nunka haluhan mensajen nebe Dom Martinho hateten iha tempu luta nia laran.

Nia haktuir mensajen importante nebe Dom Martinho husik hela iha resistensia sira ninia funa mak husu Timor Oan sira hadomi malu no simu malu.

Nia haktuir, wanhia dom Martinho hasoru komandate Xanana iha area Mehara, uma nebe sira halo sorumutu sei iha, husi fatin refere Dom Martinho konsege lori mensajen nebe povu Timor Iha ba too ninia rohan to hola ninia destinu rasik.

Wainhira halao nini knaar nee, hare Nudar Timor Oan, nudar ema katoliku no defende makaas dereitus humanus; Ho pozisaun prezidente parlamentu nasional, husi representante povu husi UNDERTIM mos laran  haksolok.(augusto sarmento)

Ohin, ASDT Lansa Bloku

Kandidata Xavier Ba Prezidente

Dili- Ohin, iha Genasiu Dili, partidu Asosiasaun Social Demokrata Timorense ASDT sei lansa bloku proklamador no lansa kandidatura prezidente partidu francisco xavier amaral ba prezidente iha eleisaun presidensial 2012.

Informasaun nee Timor Post asesu dereitament husi sede ASDT provisorio iha Hudi Laran Bairopite, 18/05.

“tinan ida nee diferensa tanba ASDT aban (ohin 19/05)  lansa bloku proklamador no  lansa kandidatura prezidente Xavier ba kandidatu ba eleisaun presidensial iha elesiaun jeral 2012”tenik Elidio Mendonca alias mate mehi, prezidente komisaun organozadora ba eventu boot ne.

“ohin Lansa mos bloku proklamador” Ilidio Haklaken.

bloku proklamador nee mai husi partidu kiik haat, mak hanesan PMD, PDRT, PDC ho PTT. Nia hateten partidu haat nebe tama mai ASDT tanba dalan ba sira liha ona dalan ikus mak ASDT.Tanba nee ohin tuku sia sei iha prossu abertura no tuku sanulu tama ba objetivu programa hodi halo lansamentu bloku no kandidatura.

Serimonia nee komisaun organizadora konvida mos lidernsa timor oan sira inklui lidernsa husi igreija nian, sisoedade Sivil no Timor Oan tomak nebe hela iha sidade Dili.

Seremonia sei halao iha GMT, iha oras  tuku sia dader, no objetivu sereminia sei hahu tuku sanulu tama ba lansamentu bloku  kandidatura.

Entretantu loron aban  20 maiu, sereonia komemorasaun loron moris partidu refere ba tinan 37 difrente tebes, sei halao iha tasi tolu, total partisipante no militante simpatizante hamtutk ema nain rihun ualu 8000 mak sei mai partisipa.

Kona ba preparasaun fatin nebe ASDT iha prepara ona Transporte no Akomodasaun inklui fatin deskansa hanesan dada lona iha tasitolu.Seremonia hasae bandeira sei halao depois de govenru hasae iha palasiu do goveru.

Relasiona selebrasaun nebe diferente no sede asdt rasik muda ba husi laran, hatan ba kestaun nee Elidio  esplika, Residensia prezidente partidu nian iha Lecidere tama faze konstrusaun  ho osan privadu;  tanba nee sede ASDT provisriomente ninia adminsitrasaun muda ba iha Hudi Laran, konstrusaun remata mak sei muda hikas sede nee ba ninia fatin iha Lecidere.(augusto sarmento)

Promete  Governu Inklusaun boot

Dili-Prezidente partidu Asosiasaun Sosial Demokrata Timorrense ASDT, Francisco Xavier Do Amaral deklara,  sei forma governu grande inklusaun (onkluzaun boot) no Konsellu Prezidensial, karik manan iha eleisaun 2012.

Xavier hatoo lia hirak ne’e, iha ninia deskursu hafoin asina bloku proklamador ho partidu poltiku kiik haat, no lansa ofisialmente ninia kandidatura ba kargu Prezidente Da Republika iha eleisaun prezidensial 2012.

“Se povu hili hau ba rai ida ne’e; hau husu partidu hotu mai ita  forma  governu ne’ebé sei bolu governu grande inklusaun” tenik Xavier ba publiku iha Jenasiu Desportu (GMT) Dili, 19/05.

Nia realsa liu tan no rekuñese ho idade ne’ebé nia iha.  Xavier husu ba lideransa partidu politiku Timoroan intelektual tomak,  atu halibur iha ninia mahon. Tanba atu forma governu futuru, presiza fahe ukun ba Timoroan tomak.

“ Ha’u husu partidu Ida-idak,  haruka  sira ninia elementu, atu forma Gabinete Presidensial ka Konselhu Presidensial,”  Xavier esplika tan.

Tuir ‘proklamador’ ne’e, Konselhu Prezidensial mak sei estuda, defikuldade sira ne’ebé nasaun hasoru, foti desizaun ba ha’u  asina kona-ba saida mak sai nesesidades nasaun nian,” tenik Xavier ba nini militantes ema rihun ba rihun iha GMT.

Hatan ba kestaun partidu PMD, PDRT PTT no PDC kesi aan iha ASDT, Prezidente partidu ASDT fó hateten, wainhira nia proklama rai ne’e ba independensia, deklara ba Timoroan  no laiha diskriminasaun.

“Se det, ferik ka katuas ida, ou ain tohar ida, mai tama iha ASDT. Ami simu ho liman rua, sira ne’ebé mai hanesan ezemplu,”nia hatutan.

ASDT iha esperansa manan eleisaun 2012. “ Esperansa ne’e nudar estratejia politika ema hotu nian. Tanba ema balun, dehan manan mutlak. Balu toba tiha -  - hakfodak - hader mai dehan manan tiha ona. Maibe ne’e  parte ida nuudar kampaña poltika,”  nia dehan tan.

Entretantu prezidente Partidu Milenium Demokratiku (PMD), iha konferensia ba imprensia haeten PMD iha intensaun hamahon aan iha bloku proklamador tanba valor historia.

Nia hatutan, PMD la konsege liu bareira, porsentu tolu ne’ebé tau iha eleisaun 2007. Tanba ne’e, PMD iha hanoin hakarak restaura no lori proklamador tau iha ninia fatin, antes nia refroma.

Angela Freitas, Prezidente husi Partidu Trabalhista De Timor (PTT), antes asina bloku proklamador, deklara ninia prezensa lori PTT, tama ba bolku proklamador tanba respeita konvite ne’ebé eis Primeiru Prezidente ne’e fó.

“Ami bloku proklmador, prontu kaer ukun iha 2012, ”tenik Angela hodi remata ninia ninia deskursu.

Angela hatutan, Importante ba Timoroan tomak, halibur iha aman ba nasaun Timor Leste ne’e, tanba  nia sei hakuak Timoroan tomak hodi luta hamenus mukit iha Timor Leste. (augusto sarmento)

CNRT Start Rejistu Militantes

Dili-Partidu Congreso Nasionál Rekonstrusaun Timor-leste (CNRT) halo ona rejistu ba militantes  iha Suku Komoro, Sub Distritu Dom Aleixo, Distrito Dili.

Deputadu Romeo Moizes no Deputadu Paulo De Fatima, Kuarta (18/05), hamutuk ho membru Konselu Diretiva Nasionál (CDN), ba area Maneluana Aldeia Lisbutak hodi fahe livru boot sia ba aldeia 9, ne’ebé pertense ba suku komoro, hodi hahu halo rejistrasaun ba militante CNRT.

“Livru sira ne’e fahe ba kordenadór provisorio nivel aldeia Manleuana, hala’o rejistu ba militantes kada aldeia antes tama tomada de posse”tenik deputadu Romeo hafoi intrega livu sira ne’e.

Nia hateten, liu husi livru ne’ebé fahe, sei hatudu sinal katak CNRT sei manan porsentu atus ida iha manleuana tanba ne’e, Bancada CNRT sei hein informasaun; hodi nune loron ida determina loron tomada de posse ba koordenador kada aldeia

Iha Manleuana.

simpatizantes ba partidu CNRT ne’e mai husi joventude sira mak sai hanesan promotor, atu rezista ba militantes tenke haree didi’ak ba povu ne’ebé mak kuñese CNRT no hatene CNRT ninia servisu.

“CNRT mós hakarak manan eleisaun. Ami perkirakan militantes rihun ida no sei liu tan,” tenik promotor juventude CNRT, Feliciano Guteres De Carvalho ba jornalista sira iha Manleu.

Nia hateten, halo prosesu rejistu CNRT sei la lori presaun, tanba se mak hakarak tama CNRT tenke kuñese no hatene CNRT ninia servisu, nia hatutan eleisaun jeral 2012 nudar festa demokrasia, neduni lideransa politika sira tenke sportiv lalikan haree oin suar ba malu.

Entretanto Pedro Baros Ataide, Koordenador provisoriu area Lisbutak, Manuel Da Costa, informa nia sei rekoilha dadus ba ema sira ne’ebé mak hakrak duni tama iha partidu CNRT;no nia sei hatoo dadaus ne’ebé nia foti pas mós ho kartaun militantes ne’ebé CNRT sei halo. (augusto sarmento)

Festa 20 Maio

UNMIT La Partisipa

 Dili-Iha selebrasaun restaurasaun independensia 20 Maio ba dala 9, iha seremonia  ne’e, representante espesial Naseons Unidas iha Timor Leste UNMIT Ameera Haq la marka prezensa.

“Ohin horseik(20/05) husi parte publiku ne'ebe partisipa iha resintu Palasiu  Governu no mós publiku ne'ebe asiste liu husi transmisaun TVTL kestiona tamba fatin ne'ebe maka babain Representante Espesial Sekretariu Jeral nian,Sra. Ameera Haq la marka presensa, tamba sa?”Forum Haksesuk kestiona.
Forum ne’e hatutan, auzensia Ameera Haaq ne'e asosia  ba relatoriu ne'ebe maka media komunikasaun sosial sira foka iha semana rua liuba ba, ne’ebé temi klasifika PM Kay Rala Xanana Gusmao, nudar obstaklu ba Desenvolvimentu Demokrasia iha Timor-Leste.

Entretantu tuir komunikadu ne’ebé Timor Post simu husi Media UNMIT via karta elektronika, haktuir opiniaun ne’ebé kontrariu ho deklarsaun partidu opozisaun no Media rai laran.

"Ami la fiar katak Primeiru Ministru sai nu’udar obstákulu ba governasaun demokrátiku iha Timor-Leste no mós ba konstitusionalizmu”tenik UNMIT iha sira ninia karta ne’ebé Timor Post simu, sesta 20/05.

“Ami lamenta katak dokumentu ne’e hetan tratamentu hanesan dokumentu ida-ne’ebé reprezenta pontudevista sira UNMIT nian,” deklara  UNMIT iha sira nia karta ne’e.

UNMIT nota , katak Primeiru Ministru Gusmão ne’e nuudar Primeiru Ministru ne’ebé eleitu demokratikamente, ne’ebé kontinua governa tuir prinsípiu demokrátiku, mak estabelese ho firme iha Timor-Leste.

UNMIT hatutan, sira  lamenta kona-ba ofensa ruma ne’ebé dokumentu ne’e hamosu. Basa durante nee, sira sente iha ona   relasaun servisu ne’ebé di’ak no kordiál ho Governu Timor-leste iha tinan barak nia laran. Tamba ne’e, UNMIT iha esperansa atu kontinua hala’o relasaun di’ak hirak-ne’e. (augsuto sarmento)

Xavier: Kuidadu Parpol

Politiza Arte Marsiais

Dili-Proklamador Independénsia Timór Leste, Francisco Xavier Amaral Amaral avisa ba membrus Arte Marisias timór oan tomak tenke hakmatek, no kuidadu monu ba manobra politika partidu balun nian.

Nia hateten iha jerasaun nebe nia pertense ba ,  hahu husi sei idade  jove nian nunka rona Arte Marsiais,  no oras nee dau daun ho tama ona idade katuas tiha mak foin rona.

“Hau hatene, sira la iha sala; tamba partidu polítiku barak laiha forsa fo osan no apoiu ba membru arte marsiais sira hodi halo istrundu”tenik Xavier iha 19/05, hodi selebra loron restaurasaun independénsia  iha 20 de maiu ba dala sia, iha Genasio GMT, 19/05.

Nia haktuir, arte marsiais nebe nia hatenen atu defende aan, maibe buat nebe akontese ohin loron mak sunu ema nia uma, baku ema, tuda ema nia kareta, naok malu no oho malu.

Nia jura karik povu fó fiar ba nia iha 2012, nia hatutan hahalok ida nee sei mós iha Timór Leste,  tanba ema hotu-hotu tenke hakru’uk ba lei.

“Hau la kohi Timór oan ida atu terus, matabeen suli, halerik, dehan sunu uma no naok sasán”tenik nia.

Tanba nee no promete, se povu fo fiar ba nia mak kaer governu, nia sei konvida investor boot sira husi rai liur, loke kadeia boot iha weberek, atu7 nune ema nebe gosta halo krimi diak liu tama kadeia no halo toos iha weberek.(augusto sarmento)

Bloku Proklamador

Kadeira Ain Tolu

Dili-Bloku proklamador nebe lansa iha kinta 19/05, ninia ain la kompletu tanba iha ain tolu det.

Bloku proklamador nebe lansa husi patidu kiik haat hanesan PDRT, PDC, PMD, no Trbalista, afinál husi partidu kiik sira nebe sadere ba ASDT hodi kandidata Francisco Xavier Amaral ba prezidente la sériu no hamosu konfuzaun boot hafoin bloku nee lansa liu loron ida det.

Hafoin lansa bloku iha 19/05, loron tuir mai iha 20/05, prezidente partidu Trabalhista PTT hasai deklarasaun nebe halo konfuzaun boot ba partidu ASDT; Iha diskursu prezidente PTT Angela Freitas, iha mililitante no simpatizante  ASDT iha serimónia selebrasaun loron moris  partidu ASDT ba tinan 37, no restaurasaun independénsia ba dala 9, nia  deklara nia mos sei kandidata ninia an ba kargu Prezidente da Repúblika iha eleisaun prezidensial 2012, nudar kandidatu independente.

Haree ba deklarasaun trabalhista halo emosaun hirus husi militante ASDT iha tasi tolu; Januario Monteiro eis membru nivel estruturál ASDT nian konfesa ba Timór Post katak nia la menta ho deklarasaun prezidente Trabalhista nee.Januaro hateten, dak liu Trabalhista sai husi bloku proklamador, relasiona ho  prezidente trabalhista ninia diskursu.

“se nia kandidatu ba prezidente, entaunnia tenke sai husi bloku”tenik Januario.

Entretantu iha tuku tolu loraik, Januario haktuir, nia ba informa kedas ba prezidente ASDT iha ninia rezidénsia Marabia.

Januario hatutan, informasaun nebe prezidente asdt fo sai katak tamba foin mak hahu augenta lai se mak tebes duni, ASDT sei tebe sai trabalhista husi bloku proklamador.(augusto sarmento)

China Iha Intensaun

Monta Ispiaun TL

Dili- Intelijensia China oras nee dau daun esforsu hela atu monta sira ninia sentru ispiaun iha Timor Leste.

Informasaun nee espalha ona iha Soudeste Aziatiku, no barak liu fo sai husi media online nasaun vizinhu Indonezia nian 10/05, Fontes husi informasaun nee mai husi sentru media eletroniku nebe famozu  nebe bai bain fo informasaun segredu iha mundo.

Wikilieaks; iha informasaun nee wikileaks detekta katak china hatoo tiha ona  proposta monta Radar   iha tase feto area tasi Timor no tasi wetar nian, deskonfia sai hanesan baze ispiaun ba intelijensia china ninian.

Wikileaks detetkta informasaun nee liu husi rede diplomatiko husi  Estadus Unidos nian mak fo sai informasaun katak China iha intensaun harii ninia sentru ispiaun intelijensia iha Timor Leste.Intensaun nee Estadus Unidos detekta liu husi proposta kona ba harii radar iha norte Tasi Timor, nebe hatoo husi China iha fulan Dezembru tinan 2007.

wikileaks haktuir; media Australia jornal The Age publika iha loron 10/05, fo sai katak  projektu refere la konsege realiza, tamba  governu Timor Leste mos deskonfia  no halao kedas konsultasaun ho Estadus Unidos no Australia.

Tempu neba,  diplomata china mos ulun toos,  hodi hateten katak Timor Leste laiha estratejia siginifkante ba Beijing, maibe iha fevereiru 2008, Embaixada Estadus Unidos iha Dili informa ba Washington, katak membru govenru balunhalo kedas konsulta ba embaixadr estadus unidos iha Dili kona ba aproximasau militar china nian hodi ofrese radar gratuita ba timor leste hodi monitoriza atividade marina iha tasi wetar nian.

Iha inisiu, proposta nee furak, tamba ho objetivu hodi kontrola atividade peska ilegal iha tasi timor; maibe hanesan dadolin hateten iha boek subar iha fatuk ninia kotuk, husi projektu gratuita nee, membru governu Timor Leste nee mos preokupa keta halo,  radar nee uja ba buat seluk fali.

Tuir preokupasaun nebe iha, radar refere bele uja haluan perimetru radar intelijensia china nebe kontrola tomak iha soudeste aziatiku sa tan tai Timor no tasi wetar mak sai fatin transito ro boot marinha Amerika no ro  nuklear tasi okos nian, nebe ba mai liu husi tasi Pasifiku ba tasi Hindia.

Wikileaks hatutan, fontes ida husi defesa Australia nian hateten australi deskonfia China nini proposta nee nuudar atividade ida haluan baze intelijensia Tiongkok iha asia no nasuan visinho sira seluk.

Maibe diplomata EUA iha Dili informa katak prezidente Jose Ramos Horta no sekretario estadu defesa jlio tomas pinto realsa katak kooperasau servisu defesa so halai liu ba mitra deokrasia husi australia portugal amerika no japaun.Tamba nee, apoiu defesa nebe China fo lemiti det ho projektu konstrusaun no formasaun, apoio ro patrulha  ho roo.(*augusto sarmento)

Tan UNMIT, Deputadu Baku Malu

Dili- Tan deit, deskute publiksaun dokumentu  husi instituisaun Misaun Nasoens Unidas iha Timor Leste UNMIT nebe Bancada opozisaun foti semana kotuk, afinal mosu reasaun makaas hodi soran membru parlamentu sira, foti liman hodi hatudu no hatoo lia fuan nakonu ho ameasas hodi baku malu iha tempu  plenaria.

Situasaun nee akontese iha  sesaun plenaria segunda horiseik iha Parlamentu Nasional, iha oras tuku  sanulu resin ida dadersan; abut husi akontesementu nee, mosu wainhira  deputadu David Dias  sei koalia hela  pontu de ordem hatan ba deklarasaun Bancada partidu CNRT kona ba dokuemntu UNMIT nebe fo sai Xanana sai obstaklu ba desenvolvimentu Demokrasia iha Timor Leste.

Durante ninia intervensaun koalia sedauk remata rona lian tarutu mkaas dala rua, afinal deputadu Augusto tara mak baku meza, la satisfas ho baku mesa nee, deputadu david dias mos nakonu ho emosaun hirus no hamriik hakatk metru lima ba deputadu tara.

Enkuantu deputadu Augsuto tara nebe sai autor hodi baku meza no hamosu situasaun nee, tebe rai no tur metin iha ninia kadeira, no la hamri, .Situasuan nee halo deputadu nain rua Tara no Mandati hakilar fo lia fuan kroat ba malu, to ameasa malu hodi baku malu, no entre deputadu nain rua nee, ida bolu ida seluk dehan diak liu sai ba parlamentu nia liur det hodi koalia hanesan bolu malu ba liur hodi esparing.

Liu tiha minutu 1, deputadu nain rua mos iha pontu de ordsem husu deskulpa ba malu liu husi plenaria nee. Haree katak situsaun nee sai manass no malirin fali hafoin  liu minutu lima, Prezidente Parlamentu Fernando Lasama De Araujo kontinua bolu atensaun ba deputadu nain rua nee hakmatek.

Aleinde nee,  Deputadu Natalino Do Santos hateen nia sente triste ho akontesmentu nee, asaun deputadu nain rua  nia husu ba ulun boot veteranusa nain rua nain rua lalika hatudu liman ba malu.(augusto sarmento)